خديت الباك وأنا مموجدة والو

سلام انا اسمي مروى من كازا وهادي عامين باش خديت الباك ،وعن حكيلكم كيف خديت الباك وانا عندي 10 فالجيهوي 

فالاول دالعام كنت فرحانة ومرتاحة حيت معندي حتى نقص فالجهوي مهم بدا العام وبدات القراية وانا فعالم والقراية فعالم هههه مهم انا كنت كاع ممهتما الدروس ولات كتراكم عليا ملي كيقربو الامتحانات كنبقى تالفة باش نبدا نراجع كنت حتى كيبقى يوم للامتحان عاد كنبدا نحفظ مهم حاكا دوزد الدورة اللولة وجبت 11.5 فالقسم وخا هكا كنت فرحانة مهم دوزت العطلة غي اللعب والخروج والنشاط مهم جات الدورة الثانية وقلت صافي خصني نخدم بزاااف الى بغيت ننجح بقيت كيما نجي للدار نشد التيليفون ونبقا كنشاطي حتى كيدوز الوقت حكا دوزت الايام اللولا ديال الدورة الثانية مهم جا وقت الامتحانات وانا مموجدة والو حيت ختكم مبليا بالتلفون النهار كامل وانا شاداه مشيت لامتحان وانا خايفة لنجيب 0 حيت مموجدا والو مهم دازو الامتحانات وجا الوطني وانا ماوجدت ماحفظت مهم مشيت ملي تحطات حدايا الاوراق ديال المادة اللولية بقيت غي كنشوف فيها دوزت 2 سوايع وانا غي كنشوف مافاهمة والو واشنو غنعمل الى مانجحتش اشنو غنقول لدارنا المشكلة باقي 15 يوم للوطني صافي قررت نعمل اللي فجهدي باش ندرك الموقف حيت باقي فيدي الوقت حكا كنت كنصبر فراصي ونقوي راسي مشيت نواحد البلاصة اللي ككنرتاح فيها وهي البحر وبديت نخدم ونحفظ بقيت كل نهار كنمشي بحدي حيت كنت كنبقى 10 دساعات وبعد المرات كتار وانا كنخدم وفكل مرة كنحس براسي عييت وياست كنقول لا متيءسيش باقي فيدك الوقت مهم بقي 14يوم وانا هاكا صافي جا الوطني وانا خايفة مشيت ودوزتوا صافي جا وقت الاعلان على النتائج وهنا كانت المفاجئة اللي كاع مكنت متوقعاها انني ننجح فالباك وبميزة مستحسن مهم فرحت بزااف هاذي كانت قصتي كيفاش خديت الباك ب 10 فالجهوي والحاجة الوحيدة اللي بغيت نوصلكم انا الواحد ميأسشي ويحاول حيث مازال فيدو الوقت ويعوض كلشي